កម្លាំងសហការរបស់សមត្ថកិច្ចនគរបាលឃាត់ខ្លួនក្មេងទំនើងពីរនាក់រួមនិងវត្ថុតាង
ខេត្តកំពង់ស្ពឺ ៖ ក្មេងទំនើងពីរនាក់រួមនិងវត្ថុតាងត្រូវបានកម្លាំងសហការឃាត់ខ្លួនកាលពីវេលាយប់ថ្ងៃទី 21 ខែតុលា ឆ្នាំ 2025 លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ ជម្រុញការអនុវត្ដវិធានការបង្រ្កាបក្រុមក្មេងទំនើងដើរពេលយប់ ពេលរាត្រីដោយមានលាក់ទុកកាំបិតដាវដាក់តាមខ្លួន លោកវរសេនីយ៍ឯក យ៉ាង សុខលី អធិការនគរបាលស្រុកគងពិសី បានបញ្ជាអោយកំលាំងមូលដ្ឋានធ្វេីការស្រាវជ្រាវជាក់ស្ដែង កម្លាំងជំនាញសហការជាមួយកម្លាំងប៉ុស្តិ៍នគរបាលរដ្ឋបាលបានធ្វេីការឃាត់ម៉ូតូមួយគ្រឿងនិងឃាត់មនុស្ស២នាក់នៅផ្លូវលេខ១៣០ចំណុចភូមិព្រៃពង្រ ឃុំរកាកោះ ស្រុកគងពិសី ខេត្តកំពង់ស្ពឺ ១. ឈ្មោះ កូយ ឃីត ភេទប្រុសអាយុ២៩ឆ្នាំ នៅភូមិអូរតាពូង ឃុំរកាកោះ ស្រុកគងពិសី មុខសញ្ញាធ្លាប់ជាប់ពន្ធនាគារ២លើកនៅខេត្តកំពង់ស្ពឺ ទេីបចេញ ២. ឈ្មោះ ប៉ាល់ រ៉ាម៉េត ភេទប្រុស អាយុ២៤ឆ្នាំ នៅភូមិតារោង ឃុំរកាកោះ ស្រុកគងពិសី ធ្លាប់ជាប់ពន្ធនាគារ១លើកនៅខេត្តកំពង់ស្ពឺ ។ 
មុខសញ្ញាសង្ស័យទាំង២ ជិះម៉ូតូម៉ាកហុងដា គុប៩០ ពណ៌ទឹកប៊ិច គ្មានស្លាកលេខ ដោយមានដាវ១ដើម និងកាំបិតបុ័ងតោ១ដាក់ជាប់ម៉ូតូ សមត្ថកិច្ចបានសួរនាំ ជនសង្ស័យទាំង២នាក់បានឆ្លើយសារភាពថាពួកខ្លួនជិះម៉ូតូទៅមើលកម្មវិធីបុណ្យកឋិនទាននៅតាមវត្តចំពោះដាវនិងកាំបិតបុ័ងតោដែលដាក់នៅជាប់ម៉ូតូគឺទុកសម្រាប់ការពារខ្លួនក្នុងករណីចាំបាច់។
ជនសង្ស័យទាំង២នាក់ត្រូវបានឃាត់ខ្លួនបញ្ជូនទៅអធិការដ្ឋាននគរបាលស្រុកគងពិសី ដេីម្បីកសាងសំណុំរឿងហើយបានបញ្ជូនជូនសង្ស័យទាំងពីរនាក់និងវត្ថុតាងទៅ ស្នងការដ្ឋាននគរបាលខេត្តកំពង់ស្ពឺកសាងសំណុំរឿងបន្តនិងបញ្ជូនជនសង្ស័យទាំងពីរនាក់រួមនិងវត្ថុតាងទៅសាលាដំបូងខេត្តកំពង់ស្ពឺចាត់ការតាមនីតិវិធី។ដោយះចិត្ត្រា
Post a Comment