កម្លាំងអន្តរាគមន៍នគរបាលក្រុងច្បារមនឃាត់ខ្លួនជនសង្ស័យម្នាក់ពីបទលូចយ៉ាងសកម្ម
ខេត្តកំពង់ស្ពឺ ៖ ដោយបានការបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កំលាំងនគរបាលនៃអធិការនគរបាលក្រុងច្បារមន បានធ្វេីការស្រាវជ្រាវរហូតឈានទៅឃាត់ខ្លួនបានមុខសញ្ញាចោរលួចដ៏សកម្មម្នាក់ឈ្មោះ ឃៀង សុខុន ភេទប្រុស អាយុ៦២ឆ្នាំ មានអាសយដ្ឋានមិនអចិន្រ្ដៃយ៍ស្នាក់នៅបន្ទប់ជួល ក្នុងសង្កាត់បឹងកក់១ ខណ្ឌទួលគក រាជធានី.ភ្នំពេញ ។ 
តាមការបញ្ជាក់ពី លោកវរសេនីយ៍ទោ យ័ន្ដ សង្ហារ អធិការនគរបាលក្រុងបានអោយដឹងថា តាមរយៈបណ្ដឹង
របស់ពលរដ្ឋ បានរាយការណ៍មកលេខទាន់ហេតុការណ៍ Hotline នៅវេលាម៉ោង១:៣០នាទី ថៃ្ងទី២២ ខែវិច្ឆិកា ឆ្នាំ២០២៥ នៅចំណុចឃ្លាំងទំនិញ ស្ថិតក្នុងភូមិតាម៉ុល សង្កាត់ច្បារមន ក្រុងច្បារមន ខេត្តកំពង់ស្ពឺ ថាមានករណីប៉ុនប៉ុងលួចទ្រព្យសម្បត្ដិដោយមានក្រុមចោរប្រដាប់ដោយសម្ភារមួយចំនួន បានធ្វេីសកម្មភាពជាច្រេីនលេីកនិងកំពុងតែប្រព្រឹត្ដ ពេលនេះ។ 
កម្លាំងអន្ដរាគមន៍អធិការនគរបាលក្រុងច្បារមន បានចេញប្រតិបត្ដិការឃាត់បានជនសង្ស័យរួមជាមួយវត្ថុតាងមួយចំនួនក្នុងនោះដកហូតវត្ថុតាងរួមមាន ៖ កន្ត្រៃ កាត់ដែកចំនួន ១ , ទល់ឡាវុីស១ , ឧបករណ៍កាច់សោរក ម៉ូតូ៣គ្រាប់ , កន្ត្រៃតូច១ , ម៉ាឡេត ចំនួន ១ , ដែកដាប់ ចំនួន១, ទូរស័ព្ទដៃមួយគ្រឿង និងសោម៉ូតូ១ 
កំលាំងបានដឹកបញ្ជូនមកអធិការដ្ឋានធ្វេីការសាកសួរ និងបានកសាងសំណុំរឿងបញ្ជូនទៅការិយាល័យព្រហ្មទណ្ឌ នៃស្នងការដ្ឋាននគរបាលខេត្ដកសាងសំណុំរឿងបន្ដ៊។ដើម្បីបញ្ជូនជនសង្ស័យរួមនិងវត្ថុតាងទៅអយ្យការអមសាលាដំបូងខេត្តកំពង់ស្ពឺចាត់ការតាមនីតិវិធី ៕ ដោយះចិត្ត្រា
Post a Comment