ស្នងការនគរបាលខេត្តកំពង់ស្ពឺដឹកនាំកម្លាំងចូលទៅពិធីបុណ្យសពយុវជនដែលមេប៉ុស្តិ៍ពោធិអង្គ្រង វា កៃកាំភ្លើងបណ្ដាលឱ្យស្លាប់
ខេត្តកំពង់ស្ពឺះថ្ងៃទី៥ ខែតុលា ឆ្នាំ២០២៥នេះ ដោយបានការចង្អុលណែនាំនិងបញ្ជាដ៏ខ្ពង់ខ្ពស់ ពីឯកឧត្ថម នាយឧត្ដមសេនីយ៍ ស ថេត អគ្គស្នងការនគរបាលជាតិ លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ បានដឹកនាំនិងនាំយកថវិកាឯកឧត្ដម នាយឧត្ដមសេនីយ៍ ចំនួន ១០,០០០,០០០ រៀល " ដប់លានរៀល " យកទៅចូលរួមចំណែកក្នុងពិធីបុណមយសពជនរងគ្រោះឈ្មោះផាន ផាយុ ភេទប្រុស អាយុ១៧ឆ្នាំ រស់នៅភូមិព្រៃស្រូល ឃុំពោធិ៍អង្រ្គង ស្រុកបសេដ្ឋ ខេត្ដកំពង់ស្ពឺ ដែលបានរងគ្រោះថ្នាក់ដោយសារតែគ្រាប់កាំភ្លេីងរបស់លោកនាយប៉ុស្ដិ៍នគរបាលរដ្ឋបាលពោធិ៍អង្រ្គង កាលពីយប់ថៃ្ងទី៣ខែតុលាឆ្នាំ២០២៥កន្លងទៅក្នុងពេលចុះបំពេញបេសកកម្មល្បាតនៅក្នុងភូមិសាស្រ្ដរបស់ខ្លួនលេីការរក្សាសន្ដិសុខសណ្ដាប់ធ្នាប់សុវត្ថិភាពសាធារណៈសង្គម ។ 
នាឱកាសអញ្ជេីញចុះសួរសុខទុក្ខនិងការចូលរួមសោកស្ដាយជាពន់ពេកជាមួយក្រុមគ្រួសារនៃសពក្មួយប្រុស ផាន ផាយុ លោកឧត្ដមសេនីយ៍ស្នងការនគរបាលខេត្ដបាននាំយកការផ្ដាំផ្ញេីសាកសួរសុខទុក្ខនិងការចូលរួមរំលែកទុក្ខដ៏ក្រៀមក្រំពីសំណាក់ឯកឧត្ដម នាយឧត្ដមសេនីយ៍ អគ្គស្នងការនគរបាលជាតិ ចំពោះការបាត់បង់អាយុជីវិតកូនក្មួយចៅជាទីស្រឡាញ់ពីសំណាក់សាច់ញាតិក្រុមគ្រួសារនិងបងប្អូនប្រជាពលរដ្ឋទាំងអស់ដែលជាអ្នករស់នៅភូមិផងបងជាមួយនិងជាការសោកស្ដាយមិនអាចយកអវីមកព្រៀបផ្ទឹមបានចំពោះមរណភាពនេះ។
ក្នុងជាមន្រ្ដីអនុវត្ដច្បាប់និងក្នុងនាមជាប្រធានស្ថាប័នស្នងការដ្ឋាននគរបាលខេត្ដកំពង់ស្ពឺ អធិការដ្ឋាននគរបាលស្រុកបសេដ្ឋ សូមចូលរួមសាមនទុក្ខជាមួយក្រុមគ្រួសារសពនិងប្ដេជ្ញាថានិងយកជាពិសោធន៍សម្រាប់ការបំពេញភារកិច្ចរបស់កងកម្លាំងនគរបាលជាតិទាំងមូលសូមការអធ្យាស្រ័យសុំទោសពីក្រុមគ្រួសារនិងសន្យាថានឹងផ្ដល់យុត្ដិធម៌ជូនក្រុមគ្រួសារសពក្មួយប្រុស ផាន ផាយុ ទៅតាមអំពេីនិងកំហុសដែលកេីតឡេីងតាមប្រព័ន្ធច្បាប់ ព្រះរាជាណាចក្រកម្ពុជាអោយបានភាពសុក្រឹតនិងតម្លាភាពសម្រាប់ជនរងគ្រោះ។ 
ជាចុងក្រោយលោកឧត្ដមសេនីយ៍ស្នងការសូមចូលរួមជាទឹកចិត្ដមិនអាចកាត់ថ្លៃបាននិងធានាថាយុត្ដិធម៌ត្រូវតែកេីតមានចំពោះសកម្មភាពដែលបង្កឡេីងដោយមន្រ្ដីនគរបាលប៉ុស្ដិ៍ពោធិអង្រ្គង នៃអធិការដ្ឋានគរបាលស្រុកបសេដ្ឋនេះនិងយកជាគំរូសម្រាប់ជាមេរៀនចែករំលែកបន្ដទៅតាមបណ្ដាប៉ុស្ដិ៍នគរបាលនៅទូទាំងខេត្ដកំពង់ស្ពឺ ទាំង៨៨៕
ស្នងការដ្ឋាននគរបាលខេត្ដកំពង់ស្ពឺ។ដោយះចិត្ត្រា
Post a Comment