រថយន្តបើកបុករះម៉ូតូ២គ្រឿងស្លាប់ម្នាក់ស្រី របួសធ្ងន់ម្នាក់ប្រុស នៅស្រុកគងពិសី
ខេត្តកំពង់ស្ពឺះរថយន្តបើកបុករះម៉ូតូពីរគ្រឿងបណ្ដើរឲ្យស្លាប់ម្នាក់ស្រីនិងរបួសធ្ងន់ម្នាក់ប្រុសក្នុងទិសដៅបញ្ច្រាស់ទិសគ្នា
ករណីនេះបានកើតឡើងនៅវេលាម៉ោង៦និង៥០នាទីថ្ងៃទី៣០ ខែកញ្ញា ឆ្នាំ២០២៥ ត្រង់ចំណុចផ្លូវលេខ៤១ ចន្លោះគីឡូម៉ែត្រ២៧-២៨ ស្ថិតនៅភូមិថ្មស ឃុំស្នំក្រពេី ស្រុកគងពិសី ខេត្តកំពង់ស្ពឺ មុនពេលកើតហេតុគេបានឃើញមានរថយន្តមួយគ្រឿងម៉ាកTOYOTA PRUIS ពណ៌ក្រហម ពាក់ស្លាកលេខ ភ្នំពេញ2BK-1645 បើកបរដោយឈ្មោះង៉ែត សូ ភេទប្រុស អាយុ២៦ឆ្នាំនៅភូមិឫស្សីមួយគុម្ភ ឃុំអូរសារាយ ស្រុកត្រាំកក់ ខេត្តតាកែវ បេីកបរក្នុងល្បឿនលឿនបើកបរពីទិសខាងជេីងទៅទិសខាងត្បូងដល់ចំណុចកើតហេតុខាងលេីបានរេរចង្កូតទៅបុករះម៉ូតូពីរគ្រឿងម៉ូតូទី១ម៉ាក់Honda Dream 125cc ពណ៍ខ្មៅ ពាក់ស្លាកលេខបាត់ដំបង1R-1632 បេីកបរដោយឈ្មោះសាយ ពិសី ភេទប្រុស អាយុ៤៥ឆ្នាំ មុខរបររោងចក្រ រស់នៅភូមិត្រពាំងក្រសាំង ឃុំកក់ ស្រុកបរសេដ្ឋ ខេត្តកំពង់ស្ពឺ (ពាក់មួកសុវត្ថិភាពរងរបួសធ្ងន់) ម៉ូតូទី២ម៉ាក់Honda dream 125cc ពណ៍ខ្មៅ ពាក់ស្លាកលេខភ្នំពេញ1CU-0837 បេីកបរដោយឈ្មោះផុន ភូណាំ ភេទស្រី អាយុ២៧ឆ្នាំ មុខរបរកម្មកររោងចក្រ រស់នៅភូមិសំរោង ឃុំស្នំក្រពេី ស្រុកគងពិសី ខេត្តកំពង់ស្ពឺ(ពាក់មួកសុវត្ថិភាពស្លាប់នៅកន្លែងកេីតហេតុ)ម៉ូតូទាំងពីរបេីកបរពីទិសខាងត្បូងទៅទិសខាងជេីង។
កករណីខាងលើបណ្ដាលឲ្យស្លាប់មនុស្ស ១ នាក់ស្រី (ស្លាប់នៅកន្លែងកេីតហេតុ)រងរបួសធ្ងន់ចំនួន ១ នាក់ ប្រុស(បញ្ជូនទៅសង្គ្រោះបន្ទាន់នៅមន្ទីរពេទ្យបង្អែកស្រុកគងពិសី)ខូចខាតរថយន្តធ្ងន់ ១ គ្រឿង និងខូចខាតម៉ូតូធ្ងន់ចំនួន ២ គ្រឿង។
ចំពោះអ្នកបេីកបររថយន្តត្រូវបានសមត្ថកិច្ចយកទៅសួរនាំ នៅអធិការដ្ឋាននគរបាលស្រុកគងពិសី ចំណែកសាក សព ត្រូវបានសមត្ថកិច្ចប្រគល់ជូន សាច់ញាតិក្រុមគ្រួសារ យកទៅធ្វើបុណ្យតាមប្រពៃណី ចំពោះវត្ថុតាងទាំង០៣គ្រឿងសមត្ថកិច្ចបានយកទៅរក្សាទុកនៅ អធិការដ្ឋាននគរបាលស្រុកគងពិសី ដើម្បីចាត់ការតាមនិតិវិធី៕ដោយះចិត្ត្រា
Post a Comment