ជនសង្ស័យម្នាក់ត្រូវបានសមត្ថកិច្ចនាំខ្លួនតាមដីកាបង្គាប់ឲ្យនាំខ្លួនរបស់ចៅក្រមស៊ើបសួរ

ខេត្តកំពង់ស្ពឺ ៖ ដោយមានការដឹកនាំបញ្ជាដ៏ខ្ពង់ខ្ពស់ពី​ លោ​កឧត្ដមសេនីយ៍ទោ​ ឃឹម​ សុកខៃ​ ស្នងការ​នគរបា​ល​ខេត្ដកំពង់ស្ពឺ​  នៅថ្ងៃទី១៦ ខែកញ្ញា ឆ្នាំ២០២៥ កម្លាំងនគរបាលព្រហ្មទណ្ឌ​ នៃស្នង ការដ្ឋាននគរបាលខេត្ដ​ បានសហការស្រាវ​ជ្រាវឃាត់​ខ្លួន​ ជនត្រូវចោទឈ្មោះ​ អ៊ួច​សុខអាន​ ភេទប្រុស​ ឆ្នាំកំណេីត​ ១៥​ មិថុនា​ ១៩៨៩​ រស់នៅភូមិឯកភាព​ ឃុំ​ ព្រៃវិ​ហារ​ ស្រុក​ គងពិសី​ ខេត្ដ​ កំពង់ស្ពឺ​ ។

យោងតាមដីកាបង្គាប់ឲ្យនាំខ្លួនរបស់លោក​ ទៀ​ ប៊ុនស៊ុននុ​ ចៅក្រមស៊េីបសួរសាលាដំបូងខេត្ដកំពង់ស្ពឺ​ ជនត្រូវចោទ ពាក់ព័ន្ធបទ​ ឆបោក​ ប្រព្រឹត្ដនៅខេត្ដកំពង់ស្ពឺ​ អំឡុងឆ្នាំ២០២៤​ ។ 

ប៉ុន្មានថៃ្ងនេះមានសារព័ត៌មាន​ កម្ពុជាឈ្នះ​ បានទទួលសម្ភាសន៍លេីបងស្រីម្នាក់​ ឈ្មោះ​ អ៊ួច​ ណារិន​ រស់នៅ​ភូមិសង្រ្គាមបូរ​ ឃុំទួលអំពិល​ ស្រុកបសេដ្ឋ​ ខេត្ដកំពង់ ស្ពឺ​ ដែលបានរៀបរាប់និងអះអាងថា​ គាត់បានចាញ់បោ កឈ្មោះ​ អ៊ួច​ សុខអាន​ និងបក្ខពួក​ម្នាក់ទៀតដោយអះអាងថាពួកគេមានសមត្ថភាពរត់ការរឿងក្ដី​ នៅតុលា​កា​រគ្រប់ជាន់ថ្នាក់​ ទោះបីតុលាការណាក៏ពួកគេអាចដោះស្រាយបានដែរ​ ដូច្នេះទេីប​បងស្រី​ បានទៅខ្ចីលុយគេ​ប្រមាណមួយមុឺនដុល្លាអាមេរិក​ជាង​ (ទាំងមុន+ក្រោ​យ​)​ឲ្យមកពួកគេទាំងពីនាក់​ទីបំផុតលុយក៏បាត់​ បំណុលក៏កេីន​ កូន​នៅក្នុងពន្ធនាគារដដែល​ ដែលរឿងនេះបងស្រី​ បញ្ជាក់ថាមកពីគាត់ជឿជាក់សម្ដី​ និងជាអ្នកនៅ​ក្បែរស្រុកភូមិផងរបងជាមួយ​ទេីបចាញ់ឃោសនាជនឆបោក​ អ៊ួច​ សុខអាន​ និងបក្ខពួក​ បងស្រី​ពឹងគេមិនបានតែ​បែរជាមកនិយាយថា​ គាត់សូមពឹងអោ​យ​តុលាការជួយរកយុត្ដិធម៌និងឲ្យបុគ្គលទាំងពីនាក់សងប្រាក់មកបងស្រីវិញគ្រប់ចំនួន​ ព្រមទាំងបន្ថែមថ្លៃជម្ងឺចិត្ដ​ ផង។  

បញ្ជាក់៖​ ខាងលេីនេះមាននៅក្នុង​ សារព័ត៌មាន​ កម្ពុជា​ឈ្នះ​ ដែលសម្ភាសន៍ផ្ទាល់​ សូមបងប្អូនពលរដ្ឋមេត្ដាពិចារណាលេីគ្រប់​ទិដ្ឋភាពមុននឹងសម្រេចធ្វេីអ្វីមួយពិ​សេស​ពាក់ព័ន្ធករណីរត់ការរឿងក្ដី​ នៅសាលាជម្រះក្ដី​ សូមកុំបន្ដទៀតមេត្ដាទុកតួនាទីជូន​ច្បាប់ជាអ្នកសម្រេចចុះ​។ដោយះចិត្ត្រា